افهم احتياج جسمك قبل تتمرن غلط

👈معلومااااااااااااااات و👉👉💪نصائح من مدرب مصري 

🔰-مفيش حاجة اسمها هتمرن و احول الدهون عضلات دا نسيج دهني و دا نسيج عضلي زي الفرق بين الخشب و الحديد👌

🔰-العقلة مش بتطول ولا الحديد بيقصر العقلة بتقوي عضلات ضهرك و بتفرده و الحديد مهما لعبته مش هيأثر علي النمو و في حالة 

بتلعب غلط هيعملك اصابة بس💪

🔰-العدات الكتير مش بتخسس و الاوزان الكبيرة مش بتضخم كل اسلوب من الاتنين بيشتغل علي نوع معين من الانسجة العضلية واحد لقوة التحمل وواحد لقوة العضلات ☝

🔰-الكارديو الكتيير مش سحر و هيخسسك لازم تكون مظبط اكلك و تدخل تمارين مقاومة معاه علشان تتفادي الترهلات

🔰-شرب المية في وسط التمرين مش غلط بالعكس مفيد جدا لنشاط جسمك👌

🔰-العرق مالوش دعوة بالدهون دا طريقة جسمك بيستخدمها علشان يعمل توازن في حرارة جسمك و الدليل انك و انت نايم بتعرق مش معناها انك بخس دهون

🔰-متلعبش بطن كل يوم علشان بطنك تخس اسرع لان اي عضلة في جسمك محتاجة وقت راحة تعمل استشفاء فيه علشان تتطور

🔰-مفيش تمرين او اي حاجة في الدنيا هتخسسلك حتة معينة في جسمك.. جسمك بيخس كله مع بعضه و في بعض الحالات عندهم اماكن بتخس قبل اماكن تانية و دا ليه دعوة بطبيعة الجسم

🔰-لو تعبان او عندك برد الجيم و التمرين مش هيطلع البرد من جسمك.. العكس دا ممكن يعملك انتكاسة و كمان هتعرض اللي في الجيم انهم يتعدوا منك

🔰-الميزان بيقيس كتلة مش شكل فا متعتمدش علي الميزان و اعتمد علي عينك و شوف شكل جسمك بقي عامل ازاي

🔰-مفيش حاجة اسمها نظام غذائي مطبوع و جاهز.. لو رحت لاي دكتور او مدرب و اداك نطام غذائي مطبوع بمجرد انك قولتله عايز اخس يبقي حمار..لازم يعرف احتياج جسمك من السعرات و معدل نشاطك و يعملك نظام علي هذا الاساس

🔰-مش لازم تاكل بروتين بعد التمرين علي طول انت مش داخل بطولة بعد ساعة.. خد وقتك و كل كارب بسيط الاول.. و بعدين بروتين عادي حتي لو بعد 4 ساعات

🔰-متاكلش بروتين عمال علي بطال جسمك هيستخدم الزيادة كا مصدر طاقة

🔰-مش لازم تحس بوجع في العضلة بعد التمرينة دا مش معناه انك مستفدتش بالتمرين